डलर स्थिर रहँदा अन्य मुद्रामा गिरावट र वृद्धि

काठमाडौं । नेपाल राष्ट्र बैंकले आज (चैत १८) का लागि सार्वजनिक गरेको विदेशी मुद्राको विनिमयदर अनुसार अमेरिकी डलर स्थिर रहेको छ भने अन्य प्रमुख मुद्राहरूमा मिश्रित उतारचढाव देखिएको छ।

राष्ट्र बैंकका अनुसार अमेरिकी डलर एकको खरिददर १५१ रुपैयाँ ४४ पैसा र बिक्रीदर १५२ रुपैयाँ ०४ पैसा कायम गरिएको छ, जुन हिजोकै दर बराबर हो।

यता, युरोपियन युरो, युके पाउण्ड स्टर्लिङ र स्वीस फ्रयाङ्कको मूल्यमा गिरावट आएको छ। युरोको खरिददर १७३ रुपैयाँ ६९ पैसा र बिक्रीदर १७४ रुपैयाँ ३८ पैसा कायम भएको छ भने पाउण्ड स्टर्लिङ २०० रुपैयाँ आसपासमा झरेको छ।

त्यसैगरी स्वीस फ्रयाङ्क पनि अघिल्लो दिनको तुलनामा घटेको छ।

यसैबीच, अष्ट्रेलियन डलरको मूल्य भने बढेको छ। आज अष्ट्रेलियन डलर एकको खरिददर १०४ रुपैयाँ १० पैसा र बिक्रीदर १०४ रुपैयाँ ५१ पैसा कायम गरिएको छ।

अन्य मुद्रामा क्यानेडियन डलर, सिङ्गापुर डलर, जापानी येन, चिनियाँ युआन, साउदी रियाल, कतारी रियाल लगायतका दर सामान्य उतारचढावसहित कायम भएका छन्।

राष्ट्र बैंकले आवश्यकताअनुसार विनिमयदर जुनसुकै बेला संशोधन गर्न सकिने जनाएको छ। साथै, वाणिज्य बैंकहरूले निर्धारण गर्ने दर फरक हुन सक्ने र अद्यावधिक दर केन्द्रीय बैंकको वेबसाइटमा उपलब्ध हुने जानकारी दिइएको छ।