दैनिक ४ घण्टा बन्द गरेर नागढुंगा–नौबिसे सडकखण्ड सुधारको काम

१० जेठ, काठमाडौं । दैनिक ४ घण्टा बन्द गरेर नागढुंगा–नौबिसे सडकखण्ड सुधारको काम भइरहेको छ ।

शनिवारदेखी १५ दिनसम्म बिहान साढे १० बजेदेखि दिउँसो ३ बजेसम्म बाटो बन्द गरेर नागढुंगा मुग्लिन सडक योजना पूर्वीखण्डले जानकारी गराएको छ ।
सो सडकखण्डमा पर्ने पिपलामोडमा पिच लगायतका सडक सुधारको काम भइरहेको छ ।
सडक निर्माणको काम भइरहेको समयमा काठमाडौंबाट बाहिरिने सवारीसाधन नागढुंगा र नौबिसेतर्फबाट काठमाण्डौ भित्रने सवारीसाधन खानीखोलानमा रोकिएको छ ।
यो समयमा धार्के–सीतापाइला तथा टोखा–छहरे–त्रिशूली–गल्छी सडक प्रयोग गर्न अनुरोध गरिएको छ ।

यसअघि यो खण्डमा रातिको समयमा सवारी साधन बन्द गरेर काम हुँदै आएको थियो । अब जेठको २५ गतेसम्म दिउँसो ४ घण्टा सडक बन्द गरेर सुधारका काम हुने बताइएको छ ।