सेयर बजार ६.५५ अंकले ओरालो, कारोबार रकममा वृद्धि

काठमाडौं । बिहीबार नेपाली सेयर बजार ओरालो लाग्दै ६.५५ अंकले घटेर २,७१९ बिन्दुमा बन्द भएको छ। दिनभर अस्थिर बनेको बजार अन्तिम समयमा केही सम्हालिए पनि हरियोमा फर्किन सकेन।

दिउँसो २:२० बजे नेप्से २,७०३ बिन्दुसम्म झरेको थियो। त्यसपछि पुनः सुधार हुँदै बजार उकालो लागे पनि सकारात्मक बन्द हुन भने सकेन।

बजार घटेपनि कारोबार रकम भने बढेको छ। अघिल्लो दिन ४ अर्ब ७२ करोड रुपैयाँको कारोबार भएकोमा बिहीबार ५ अर्ब १४ करोड रुपैयाँको कारोबार भएको नेपाल स्टक एक्सचेन्जले जनाएको छ।

यस दिन ८५ कम्पनीको सेयर मूल्य बढ्दा १६५ कम्पनी घटेका छन् भने १ कम्पनीको मूल्य स्थिर रह्यो।

सूचक हेर्दा सबै समूह एक प्रतिशतभन्दा कमले घटेका छन्।

• बैंकिङ ०.३१%

• विकास बैंक ०.३८%

• फाइनान्स ०.३७%

• होटल तथा पर्यटन ०.६५%

• लगानी ०.३१%

• जीवन बीमा ०.३९%

• माइक्रोफाइनान्स ०.१५%

• उत्पादन तथा प्रशोधन ०.१९%

• निर्जीवन बीमा ०.१०%

• अन्य समूह ०.५०%