साना किसान लघुवित्तको १५ प्रतिशत लाभांश घोषणा

साना किसान विकास लघुवित्त वित्तीय संस्थाले आर्थिक वर्ष २०७८/७९ (२०८१/८२) को नाफाबाट आफ्ना शेयरधनीलाई कुल १५ प्रतिशत लाभांश वितरण गर्ने घोषणा गरेको छ।

लघुवित्तको कार्तिक २६ गते (नोभेम्बर १२, २०२५) बसेको सञ्चालक समितिको बैठकले सो लाभांश प्रस्ताव गरेको हो। कम्पनीले १४.२५ प्रतिशत बोनस शेयर र ०.७५ प्रतिशत नगद लाभांश (कर प्रयोजनका लागि) वितरण गर्ने निर्णय गरेको छ।

हाल लघुवित्तको चुक्ता पुँजी रु. ४ अर्ब ३१ करोड रहेको छ। सोही पुँजीमा आधारित रहेर लाभांश वितरण गरिनेछ, जसले लगानीकर्तालाई बोनस र नगद दुवै स्वरूपमा प्रतिफल उपलब्ध गराउनेछ।

उक्त प्रस्तावित लाभांश नेपाल राष्ट्र बैंकको स्वीकृति र आगामी वार्षिक साधारण सभा (AGM) बाट पारित भएपछि मात्रै शेयरधनीहरूलाई वितरण गरिनेछ।

लघुवित्तले पछिल्ला वर्षहरूमा देखाएको सन्तुलित मुनाफा र लगानीकर्ता प्रतिप्रति प्रतिबद्धता यस लाभांश घोषणाबाट पुनः पुष्टि गरेको छ। बोनस र नगदको संयोजनले कम्पनीको पूँजी संरचना सुदृढ गर्ने र भविष्यमा संस्थाको वित्तीय विस्तारमा मद्दत गर्ने अपेक्षा गरिएको छ।