नेप्सेमा सुधार, पाँच दिनपछि कट्यो चार अर्ब कारोबार

सेयर बजारमा पाँच दिनपछि कारोबार रकम चार अर्ब नाघेको छ। कात्तिक २५ गतेयता हरेक दिन सेयर बजारमा चार अर्बभन्दा कमको कारोबार भइरहेकोमा मंगलबार कारोबार रकम चार अर्ब १० करोड रूपैयाँको कारोबार भएको हो।

सोमबार तीन अर्ब ९४ करोड रूपैयाँको सेयर किनबेच भएको थियो। बजार बढ्न थालेपछि कारोबार रकम पनि बढ्न थालेको हो।

सेयर बजार परिसूचक नेप्से मंगलबार १५.७० अंकले बढेको छ। बजार बन्द हुँदा नेप्से परिसूचक २५६६ विन्दुमा आएको छ।

लगातार दास्रो दिन बजार बढ्को हो। सोमबार पनि बजार ९.७८ अंकले बढेको थियो। तर, बजारमा कारोबार रकममा सामान्य सुधार अएकोले लगानीकर्ताहरू अझै आश्वस्त हुन नसकिरहेको संकेत भने गर्छ।

कारोबारमा आएका सबै समूह बढेका छन्। होटेल र लगानी समूहमा एक प्रतिशतभन्दा धेरैले वृद्धि भएको छ।

यसदिन तीन सय ५५ लगानी उपकरण कारोबारमा आउँदा दुई सय २८ वटाको मूल्य बढेको छ। ७९ वटाको मूल्य घटेको छ भने बाँकीको स्थिर छ।