दक्षिणकालीमा विश्व मुद्रा सप्ताहका अवसरमा किसानसँग बैंक कार्यक्रम सम्पन्न
काठमाडौं । विश्व मुद्रा सप्ताह २०२६ का अवसरमा दक्षिणकाली नगरपालिकामा ‘किसानसँग बैंक’ कार्यक्रम आयोजना गरिएको छ। कृषि विकास बैंक लिमिटेडद्वारा आयोजित उक्त कार्यक्रम वित्तीय साक्षरता अभिवृद्धि गर्दै किसानलाई बैंकिङ सेवामा पहुँच विस्तार गर्ने उद्देश्यले सञ्चालन गरिएको हो।
कार्यक्रममा स्थानीय किसानहरूको उल्लेख्य सहभागिता रहेको थियो। सहभागीहरूलाई बचत गर्ने तरिका, ऋणको सही उपयोग, कृषि कर्जा सुविधा, बीमा सेवा तथा डिजिटल बैंकिङ सम्बन्धी जानकारी प्रदान गरिएको थियो। साथै, किसानहरूको आय वृद्धि र आर्थिक सशक्तीकरणमा बैंकिङ क्षेत्रको भूमिकाबारे समेत छलफल गरिएको थियो।
बैंकका प्रतिनिधिहरूले ग्रामीण क्षेत्रमा रहेका किसानलाई सहज रूपमा कर्जा उपलब्ध गराउने, उत्पादनमुखी क्षेत्रमा लगानी बढाउने तथा आधुनिक कृषि प्रविधिसँग जोड्ने प्रतिबद्धता व्यक्त गरेका थिए।
यस कार्यक्रमले किसानहरूलाई औपचारिक बैंकिङ प्रणालीतर्फ आकर्षित गर्दै वित्तीय पहुँच विस्तारमा महत्वपूर्ण योगदान पुर्याउने अपेक्षा गरिएको छ।
