संसद पुनर्स्थापना मुद्दामा सर्वोच्चले तत्काल फैसला गर्नुपर्छ: महेश बस्नेत

काठमाडौं । नेकपा एमालेका सचिव महेश बस्नेतले संसद् पुनर्स्थापनासम्बन्धी मुद्दामा सर्वोच्च अदालतले तत्काल फैसला गर्नुपर्ने बताएका छन्। काठमाडौं उपत्यकाका १५ जना उम्मेदवारसँगको संवादमा उनले पेसी पटक–पटक सर्ने प्रवृत्तिले न्यायिक प्रणाली संकटमा परेको टिप्पणी गरे।

बस्नेतले संसद् पुनर्स्थापना भए चुनावका नाममा भएको खर्च र गतिविधि खेर जाने भन्दै समयमै फैसला आवश्यक रहेको बताए। सर्वोच्चमा मुद्दा रहेकाले चुनावी तयारीमा अन्योल रहेको उनको भनाइ छ।